Temitope Balogun Joshua bi Nigerian preacher, televangelist, and di founder of Synagogue Church of All Nations die on 6 June, 2021

Everything don set for di Lying in state of Prophet TB Joshua for di Synagogue Church of All Nations (SCOAN). Di televangelist, and founder of di church die last month at di age of 57

Di week-long programme bin start wit candlelight procession wey witness at least 5000 followers of di late prophet TB Joshua. Pipo from far and wide both black and white na im attend di procession.

As early as 8am pipo begin arrive di church venue for di lying in state wey don start. Attendees go through Covid protocol before dem enter di church.

Di Lying in state start from di ‘church mountain’. Na there di Casket wey Prophet TB Joshua dey inside first arrive.

Plenty pipo say dem no go believe im death till dem see di body of Prophet TB Joshua

Men, women, children dey express deep sadness about di death of di founder of di Synagogue church of All Nations. All categories of pipo gather for di lying in state of Prophet TB Joshua.

Punch Newspaper wey post photos for their Facebook page.