Some students of di Kumasi Girls’ Senior High School for di Ashanti region dey claim say some policemen and soldiers who come di school to maintain peace rather assault them.
Di policemen and soldiers go di school to to stop di protesting students from destroying di school properties. Di students decide to destroy di school properties sake of di school authorities declare say make no one go home even during di mid-semester break. Di school say di decision was taken to help stop di spread of di deadly Coronavirus.
Di students claim say some of di soldiers abuse them by stepping on their belle in di presence of some school authorities. They also claim say di police pipos just enter their dormitories and drag them on di ground and beat. them wit sticks.
Meanwhile, Simon Osei Mensah, di Ashanti Regional Minister say he no know anything about di abuse but he go investigate di matter.
Di Ashanti Regional Police Commander, DCOP David Agyemang Adjem, tell di media say, ibi impossible say police officer or military officer go enter girls’ dormitory to attack them. He add say di only thing he know about di situation bi say di students be stubborn and they destroy school properties.
So he send pipos from di “Operation Calm Life” who bi di police and soldiers who come di school inside to talk to di girls and cool them na im make di school calm.
He then say if di police and soldiers beat di students like di students go protest afta they leave di place.