Shatta Movement fans on social media carry their frustrations put Shatta Michy, who be di former girlfriend of their leader sake of she no dey show concern about di arrest of her baby Daddy, Shatta Wale.

According to them, Shatta Michy for support di father of her son rather than say she go act like nothing ever happen.

Di yawa thing she dey be say as di pipo dey attack am, she Komot eye wey she make busy dey advertise her products for online.

Di only comment she give be say; ‘@Daniel D Donfresh I feed my son with this chobi advert. Mind the business that pays you too lol.”

Meanwhile, some of her followers for social media dey support her about di way and manner she dey handle di arrest of Shatta Wale.

Di police arrest Shatta Wale last Tuesday night after di they issue statement say dem dey search him to help in some investigations about di news say somebody shoot am for East Legon.

Apart from Shatta Wale, two of ein crew members too dey on remand for one week just like their boss Shatta Wale.

Di whole issue be say, one pastor popularly known as Jesus Ahuofe prophesy sometime ago on an interview say on di 18 of October this year, somebody go shoot one big celebrity for Ghana here and afta plenty questions from the di host, di pastor finally mention Shatta Wale ein name.

And as we all know how Shatta Wale dey love to entertain, he sheda fake say somebody shoot am just to see how pipo go react about the shooting and the pastor ein prophesy.

Unfortunately for him, di thing turn sideways and Police declare say ibi criminal offense and they arrest am.