Khabane “Khaby” Lame, be di second most popular TikToker in di world, don promote Facebook’s metaverse in a new video with Mark Zuckerberg, di CEO of Facebook.

Di 21 seconds video dey show di Senegalese-Italian TikTok star appearing and disappearing into different locations.

Places like in front of a game of chess, outside of a picturesque house, in a room with people cycling, on a tropical beach.

For months, Zuckerberg dey think of di idea of establishing a metaverse. Metaverse be digital world where pipo dey perform real life activities using virtual avatars.

Zuckerberg confess at di company’s Oculus Connect event say he dey want di company to be “metaverse first, not Facebook first.”

In August, di company announce a virtual-reality program called Horizon Workrooms, in which people from different countries fit interact and meet to work inside virtual worlds.